منتدي شباب الدعوة الإسلامية بالقليوبية
بسم الله الرحمن الرحيم
السلام عليكم ورحمة الله وبركاته

مرحبا بكم فى منتدى شباب الدعوة الاسلامية بالقليوبية

اخدم دينك وانصر رسولك صلى الله عليه وسلم
باضافة موضوع من عندك فى احدالاقسم المناسبه للموضوع

وجزكم الله خيرا
مع تحيات منتدى شباب الدعوة الاسلامية بالقليوبية


منتدي يقوم على خدمة الاسلام
 
الرئيسيةس .و .جبحـثالتسجيلدخول
السلام عليكم ورحمة الله وبركاته مرحبا بكم فى منتدى شباب الدعوة الاسلامية بالقليوبية ونتشرف بتسجيلكم معنا فى المنتدى المتوضع لوجه الله مع تحيات اخوانكم فريق ادارة منتدى شباب الدعوة الاسلامية بالقليوبية
بحـث
 
 

نتائج البحث
 
Rechercher بحث متقدم
المواضيع الأخيرة
» عمادة الدراسات العليا بجامعة المدينة العالمية
الإثنين 27 مارس - 9:33:21 من طرف ابن الاسلام

» شريط أفراح الفتح الجزء الأول اللى بيبدأ بأغنية سبح الله المعبود وبينتهى بأغنية هلا هلا هيا
الأحد 31 يوليو - 19:06:39 من طرف m-gamal

» القارئ الإذاعى الشيخ محمود على حسن والقارئ الشيخ محرم العطار وليلة قرآنية متميزة فى عزاء الحاج مصطفى عبد الحميد إسماعيل من قرية شبرا بيل السنطة غربية الأربعاء 19-08-2015 فقط وحصريااااااااااااا
الأحد 6 سبتمبر - 5:10:20 من طرف عبده موسى

» القارئ الشيخ محرم العطار وليلة قرآنية عطرة فى عزاء الحاج سلام العرقان من قرية جزيرة عمران أولاد صقر شرقية الثلاثاء 18-08-2015 فقط وحصريااااااااااا
الأحد 6 سبتمبر - 5:00:49 من طرف عبده موسى

» ليلة قرآنية مباركة للقارئ الشيخ محرم العطار بدعوة طيبة مباركة من الشيخ إبراهيم أبو علامة من قرية شوبك إكراش ديرب نجم شرقية الخميس 13-08-2015 فقط وحصريااااااااااااا
الأحد 6 سبتمبر - 4:45:13 من طرف عبده موسى

» إلى حضراتكم ليلة عزاء وتكريم حرم الحاج عبد الله الشايخ بحضور القارئ الشيخ محرم العطار من قرية كفر الصلاحات بنى عبيد دقهلية الثلاثاء 11-08-2015 فقط وحصريااااااااااا
الأحد 6 سبتمبر - 4:32:59 من طرف عبده موسى

» القارئ الإذاعى الشيخ طه النعمانى والقارئ الشيخ محرم العطار وليلة عزاء متميزة فى عزاء الحاج محمد الهادى طلبة من قرية القطاوية أبو حماد شرقية الإثنين 10-08-2015 فقط وحصريااااااااااااا
الأحد 6 سبتمبر - 3:30:00 من طرف عبده موسى

» القارئ الشيخ محمود الصباغ والقارئ الشيخ محرم العطار فى ليلة عزاء وتكريم حرم الحاج محمد جاويش من شارع الجناين الزقازيق شرقية الأحد 09-08-2015 فقط وحصرياااااااااا
الأحد 6 سبتمبر - 3:18:07 من طرف عبده موسى

» إلى حضراتكم ليلة عزاء الحاج رضا عبد السميع والقارئ الشيخ محرم العطار من قرية برهمتوش السنبلاوين دقهلية السبت 08-08-2015 فقط وحصرياااااااااااا
الأحد 6 سبتمبر - 3:06:10 من طرف عبده موسى

» القارئ الشيخ محرم العطار فى ليلة تكريم وعزاء المرحوم الحاج فؤاد عويضة من قرية طحا المرج ديرب نجم شرقية الخميس 23-07-2015 فقط وحصريااااااااااا
الأحد 6 سبتمبر - 2:45:44 من طرف عبده موسى

المتواجدون الآن ؟
ككل هناك 3 عُضو متصل حالياً :: 0 عضو مُسجل, 0 عُضو مُختفي و 3 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 31 بتاريخ الخميس 6 أكتوبر - 12:05:46
الفيس بوك
منتدى شباب الدعوةالاسلامية

شاطر | 
 

 أنا تعبت من نفسي والله ! (حملة الرقي)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابن الاسلام
مدير
مدير


عدد المساهمات : 1518
السٌّمعَة : 4
تاريخ التسجيل : 12/01/2010
العمر : 31

مُساهمةموضوع: أنا تعبت من نفسي والله ! (حملة الرقي)   الجمعة 26 مارس - 14:06:35




"كل شيء.. راح"

الحلقة الأولى من هنا

الحلقة الثانية من هنا

الحلقة الثالثة من هنا

الحلقة الرابعة من هنا



والأن مع الحلقة الخامسة
كل شئ ... راح

مر أسبوع كامل على أحمد لم يتواصل فيه مع خالد.. رغم اتصال أحمد مرتين به وعدم رد خالد المستمر..
فظن أن لديه عذرا ما وقرر الانتظار حتى تتضح الأمور أكثر..

وذات يوم بينما يفتح أحمد الماسنجر الخاص به إذا بخالد متصل باسم "كل شيء راح"
قلق أحمد من الاسم وبدأ معه محادثة نصية


Nudge !
رب اغفر لي: السلام عليكم ورحمة الله وبركاته
خالد أنت هنا ؟
.
.
.رب اغفر لي: خالد ؟؟
بجد لو موجود رد عليا أنا قلقت عليك بجد..

كل شيء راح: وعليكم السلام ورحمة الله وبركاته
رب اغفر لي: فيه إيه يا خالد مالك.. شكلك مش طبيعي !
كل شيء راح: مفيش يا أحمد الحمد لله
عامل إيه أنت
رب اغفر لي: خالد !
كل شيء راح: أحمد بالله عليك سيبني في حالي.. بجد يا أحمد أنا تعبان شوية معلش
رب اغفر لي:
خالد أنا بجد مش عايز أتقل عليك.. بس مقدرش أسيبك كده
كل شيء راح: معلش
رب اغفر لي: لا حول ولا قوة إلا بالله
.
.
كل شيء راح: أنت مش شايف اسمي ؟
رب اغفر لي: شايف والله يا خالد
كل شيء راح: أمال عايز تعرف إيه تاني.. هو ده كل الموضوع.. كل شيء راح..
رب اغفر لي: طب ينفع تحكيلي ولا فيه مانع ؟
كل شيء راح: مش عارف والله يا أحمد.. بس أنا تعبان
أنا تعبان أوي يا أحمد
آآآه يا أحمد
رب اغفر لي: أنا مش بأتطفل عليك صدقني أنا بس نفسي أساعدك
كل شيء راح: شكرا يا أحمد.. ما أظنش هتقدر..
رب اغفر لي:
طب فضفضلي وأنا مش هأتكلم ماشي ؟
.
.
.
ماشييييييي ؟؟؟؟؟
كل شيء راح: ماشي يا أحمد... ماشي...
.
.
أنا تعبان يا أحمد والله..
ياااااااه.. مش عارف نفسي في إيه..
لو كان الموت راحة كنت قلت لك نفسي أموت.. بس تبقى مصيبة لو مت.. وطلع الموت مش راحة يا أحمد ..


فاكر يا أحمد الحوار اللي كلمتني فيه كذا مرة ؟؟
موضوع القرف.. فتنة الـ.. النساء..

خلاص يا أحمد.. أنا اكتشفت أن الموضوع ده ملهوش حل..

يبدو أن أنا ضعت خلاص.. ننسى بقى موضوع ملتزم وشيخ والكلام ده.. كله كلام والله.. ماحدش عارف إيه اللي وراء المنظر اللي أنا فيه ده..


أحمد أنا حاسس أني حيوان.. عارف بجد.. بأحس أني كلب مثلا أو حاجة كده..
بأحس أني مش إنسان مسلم.. بأحس أني عار أصلا على الإسلام..

تعرف؟؟.. والله مش عارف.. بس أنا حاسس بكده..

كأن ده مصيري وخلاص.. ولازم أستسلم للأمر الواقع..

بعد كده ماتقوليش يا خالد.. قل لي يا كلب.. قل لي يا مفتون.. قل لي أي حاجة زفت..

رب اغفر لي:

كل شيء راح: عارف أني كأبتك يا أحمد.. قلتلك من الأول سيبني في حالي مرضيتش..
رب اغفر لي: خالد بالله عليك اسكت.. كمل كلامك .. أنا مركز معاك والله

كل شيء راح: خلاص أنا معنديش كلام تاني عايز أقوله..
هي دي الخلاصة.. كل شيء.. انتهى..

رب اغفر لي: مش احنا يا خالد قلنا هنتكلم مع بعض في الحوارات دي وهنساعد بعضنا إن شاء الله؟
كل شيء راح: كله كلام يا أحمد..
رب اغفر لي: إزاي بس يا خالد
كل شيء راح: بصراحة وماتزعلش مني، هي دي الحقيقة.. شوف يا أحمد أنت كلمتني قد إيه وكام مرة.. وشريط وبتاع.. ربنا يكرمك.. بس إيه النتيجة ؟؟
رب اغفر لي: أنت سمعت الشريط ؟
كل شيء راح: آه والله
رب اغفر لي: طيب يا خالد يعني أنت ماشي في الطريق أهو.. أمال ليه نفسيتك في الأرض كده.. أنت.... ؟؟
كل شيء راح: ..
رب اغفر لي: أنت وقعت تاني يعني ؟؟
كل شيء راح: أيوة يا أحمد وقعت.. اتنيلت...سيبني بقى عشان أنا مش ناقص وأنا والله مكسوف منك بشكل معفن أصلا..
رب اغفر لي: يا سبحان الله.. احنا مش قلنا ننفض لموضوع الكسوف ده وتعتبرني زي دكتور ؟
آ.. آسف والله يا خالد.. مش قصدي دكتور.. قصدي نبقى صرحاء مع بعض عشان نعرف نساعد بعضنا بإذن الله ؟؟ ووعدتك أنك مش هتنزل من نظري ولا الكلام الفاضي ده ؟؟

كل شيء راح: ماشي يا أحمد.. شكرا
رب اغفر لي: قل لي بقى.. أنت كل اللي فيه ده عشان خاطر وقعت في الذنب يعني ؟؟
كل شيء راح: أحمد أنت مش عارف.. ربنا يثبتك يا رب بس بجد دي حاجة وحشة أوي.. عارف لما تعمل المعصية.. والله بييجي لك غم وهم وقرف ينكد عليك حياتك كلها..
وبعدين كل ده يأثر على مذاكرتي ويأثر على علاقتي مع أهلي ويأثر على كل حاجة..
كله بسبب المعصية
رب اغفر لي: معاك حق والله
كل شيء راح: ربنا يعفو عني
رب اغفر لي: آمييييين يا رب وإيانا..

بس أنت ملكش حق في اللي بتعمله ده
كل شيء راح: ؟؟
رب اغفر لي: مش بأهوّن من مشكلتك والله.. بس يا خالد أنت عملت إيه يعني ؟؟ قتلت ؟؟ سرقت ؟؟؟ زنيت ؟؟؟ يا أخي احمد ربنا أنك لسه بتصلي وأنك بفضل الله لسه على التوحيد
كل شيء راح: كلامك عجيب يا أحمد !! ما هو ده اللي ناقص اللي أنت بتقوله ده !!!!
رب اغفر لي: أنت فهمتني غلط.. أنا مش قصدي أنك عملت ذنب بسيط.. لأ طبعا... ومش بأقولك احكيلي عملت إيه بالتفصيل.. أنا فاهمك صدقني..
لكن أنا قصدي إذا كان ربنا سبحانه وتعالى يقبل التوبة من اللي بيقتل ويسرق ويزني.. يبقى مش هيقبل التوبة منك يا خالد ؟؟
كل شيء راح: يا أحمد ماشي حتى لو تبت.. ما أنا بأرجع تاني يوم إيه اللازمة يعني !
رب اغفر لي: إزاي بقى يا خالد !.. تأكد أنك طول ما أنت بتجاهد نفسك ربنا مش هيخذلك.. أبدا
كل شيء راح: أحمد كلمني بمنطقية.. كلمني على قد عقلي يا عم... إيه لازمة إني أجاهد مليون يوم وبعد كده اقع في الآخر.. إيه اللازمة بقى ؟؟!
رب اغفر لي: خالد.. هدي نفسك عشان نعرف نتفاهم.. ربنا سبحانه وتعالي يقول ((والذين جاهدوا فينا لنهدينهم سبلنا)).. وأنت تقول لي إيه اللازمة !
وبعدين من قالك أن ربنا يريد منك النتيجة ؟؟ أنت دايما ناسي أن ربنا سبحانه هو الخبيييييير يا خالد.. هو العليم.. هو اللي خلقك وعارفك وعارف تركيبك وأسلوبك وكل حاجة فيك ؟؟
ربنا سبحانه أمرنا أننا نجاهد.. وأننا نسعى (وأن ليس للإنسان إلا ما سعى).. وأننا نبدأ وأننا نحاول وأننا ننوي وأننا ناخد بالأسباب وأننا نتوكل عليه وأننا نعمل كل حاجة نقدر نعملها.. لكن طالما أنت في الطريق يبقى ماينفعش تيأس !

كل شيء راح: يعني أنت عايز تقول أني طالما بأحاول واجاهد، إني لو وقعت في الذنب مش عليا وزر ؟؟
رب اغفر لي: أنا مقلتش كده يا عم.. هتوديني في داهية .. أنا قلت طالما بتجاهد يبقى ما تياسش.. لأن اليأس أصلا هيرجعك لورا.. والشيطان هيقولك أديك حاولت ستين مرة وكل مرة تقع، مفيش منك فايدة.. استفدنا إيه بقى من اليأس ؟؟ قتل همتك وعزيمتك وبوظلك كل حياتك...
وعلى فكرة فيه فرق بين الندم على المعصية اللي هو شرط من شروط التوبة، وبين اليأس اللي أنت فيه دلوقتي.. عشان ماتقوليش مش عايزك تتوب

كل شيء راح: طب اعمل إيه يا أحمد بس.. كتر المحاولات واستمرار الفشل بيخليني فعلا أيأس..
أنا بشر برضه وعندي مشاعر

رب اغفر لي: ماحدش بيقولك تخلى عن بشريتك.. لكن هي دي سنة الله في الكون.. زي ما احنا بشر وعندنا أحاسيس، ربنا خلقنا بشر مش معصومين.. وجعل الشيطان والنفس والهوى ضدنا.. وأمرنا بالجهاد والصبر على المعاصي.. وجعل ثواب اللي يصبر في الدنيا أنه ينعم في الجنة.. ولا أنت عايز الجنة ببلاش

كل شي راح :
رب اغفر لي: خالد معقولة أنا اللي هأفكرك ؟؟ نسيت قول الله عز وجل "قل يا عبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم"

نسيت قول رسول الله صلى الله عليه وسلم: (ما من عبد مؤمن إلا و له ذنب ، يعتاده الفينة بعد الفينة ، أو ذنب هو مقيم عليه لا يفارقه ، حتى يفارق الدنيا ، إن المؤمن خلق مفتنا ، توابا ، نسيا ، إذا ذُكِّرَ ذَكَر) والحديث صححه الألباني
ليك ذنب يا خالد.. ومفتن ونسيّ.. لكن تواب.. وإذا ذُكّرت ذكرت..

كل شيء راح: يا رب اغفر لي
رب اغفر لي: ده المؤمن يا خالد مش المسلم كمان !.. يا سبحان الله..

وشوف قول رسول الله صلى الله عليه وسلم في الحديث.. استنى أدور لك عليه..
.
.
.
قال رسول الله صلى الله عليه وسلم: (إن عبدا أصاب ذنبا ، وربما قال : أذنب ذنبا ، فقال : رب أذنبت ، وربما قال : أصبت ، فاغفر لي ، فقال ربه : أعلم عبدي أن له ربا يغفر الذنب ويأخذ به ؟ غفرت لعبدي ، ثم مكث ما شاء الله ثم أصاب ذنبا ، أو أذنب ذنبا ، فقال : رب أذنبت - أو أصبت - آخر فاغفره ؟ فقال : أعلم عبدي أن له ربا يغفر الذنب ويأخذ به ؟ غفرت لعبدي ، ثم مكث ما شاء الله ، ثم أذنب ذنبا ، وربما قال : أصاب ذنبا ، قال : قال : رب أصبت - أو قال : أذنبت - آخر فاغفره لي ، فقال : أعلم عبدي أن له ربا يغفر الذنب ويأخذ به ؟ غفرت لعبدي ، ثلاثا ، فليعمل ما شاء) رواه البخاري

كل شيء راح: رب أذنبت فاغفر لي
رب اغفر لي: ولا حديث قاتل المائة نفس.. ولا الحديث القدسي "قال الله تعالى : يا ابن آدم إنك ما دعوتني و رجوتني غفرت لك على ما كان فيك و لا أبالي ، يا ابن آدم لو بلغت ذنوبك عنان السماء ثم استغفرتني غفرت لك و لا أبالي ، يا ابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة" والحديث حسن يا خالد
.
.

رب اغفر لي: عارف يا خالد... تعرف أن الياس والقنوط من رحمة الله دي من أعظم الذنوب عند ربنا ؟
كل شيء راح: بجد ؟
رب اغفر لي: آه بجد.. الشيخ هاني حلمي كان قال كده في شريط نفسي أتوب.. شريط حلو ابقى اسمعه
كل شيء راح: تاني
رب اغفر لي: يا سلااااااام.. إيه الجمال ده يا خواتي.. أبو الهول نطق
كل شيء راح: يا معفن
رب اغفر لي: ههههههههه... ممكن بقى تغير اسمك ده لأنه يجيب اكتئاب لوحده أصلا...
كل شيء راح: طب استنى
.
.
.
رحماك: إيه رأيك كده ؟
رب اغفر لي: يا سلااااااااااام.. فرق كبير جدا...
رحماك: بس أنا كنت فيه كذا نقطة عايز أسألك فيها..
رب اغفر لي: كل نقطة بخمسين قرش
رحماك: هههههه.. ماشي

بص يا سيدي..


نلقاكم في الحلقة السادسة إن شاء الله تعالى




_________________

سبحان الله وبحمده سبحان الله العظيم

لا حول ولا قوة إلا بالله
لا تنسونا من صالح دعائكم
























الرجوع الى أعلى الصفحة اذهب الى الأسفل
 
أنا تعبت من نفسي والله ! (حملة الرقي)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي شباب الدعوة الإسلامية بالقليوبية :: المنتدى العام-
انتقل الى: